Pajko´ola majkaa

Ji´ojpuari

Pajkola majkaa: ju pajkola majka kuta kaa betteku, chirikoteta benapo mamea ya’ari, ju pajkola majka, chirikotepo o abas nawapo chaari chukuisi be’ojkosi yokana ; tua pajkola pajka koba mejeku tosai kussta jippue, junue mak beja ju bato’i pajkola ye’eme, omo kaa tuuwata betana omo jijinne’u, junue mak kechia, ket aapo ju jiaki juka tabwi relijionta mabetapo ámani junuen beja tu’isi inia bemela lutu’uria make jiapsita’itek. Ju bato’i pajkola majkapo kobateko ju jiaki jo’oo jo’arapo naskuaktine, juka a yo’owawa ju kabaata yuyyuma, junuen beja omo nenkilapo tamachiana, o cheasan chupiapo.

Ju pajkola majka jopempo wikuim ama jiyokala, juka juya aniata junuen e’etejo bwe’ituk aapo ama omo yoeml; ket jiba bénasi pajkola majaka mayoapo ili trianwulom totosaim mak jume jiak kawim ama eetejo. Ju pajkola noki woi jiak noki mak ya’ari pajko into oola, junuenbeja omo nau tojako beja pajkopo yoem oola. Pajkolata ye’eo wate yo’awam ama yeu mammachia ju wikuita, motcholta, kabaata, bobokta. Jiba te pajkopo pajkolam chaeme te jikkajine, junu into juka bem lutu’uria bebejerita am too sikamta bicha au chaine bwe’ituk aapo juka Lio Noki utteata kaa jikkaji baekai am too buibuite bempo into junuen a abicha au jiba chaine.