Chapayeka kuta asoola

Ji´ojpuari

Chapayaeka kuta asoola: ju chapayeka kuta asola abasopo ya’ari, o cheasan senu kuta kaa bettemak junni’i a yaatu, ju kuta asoola tosaisi yokai junum into ju jeometria jiyokai ama yeu maachi siari tua nasuku into siki kuta chumuuriapo bweta bwibwisiwapo kaa jiyokai. Woi weeme te ama bitne inim chapayeka kuta asoolapo, senu sewak junu’u into jume ili kabom kuta asoolam etejo, junume ketun kee juube, junue betchibo kaa ameu lutu’uria, bwe’ituk yootuko into te’opou chupawako junak beja jaibu tabwik kuta solaka yeu yebisne, bweta jaibu sewakai (chupiatakai) junuka into ian lautipo te a bicha ini’i ju chapayeka kuta asoola, chapaye yo’owetau lutu’uria; jume sewam chapayeka kuta asoolapo yeu machime jume ili uusim betchibo, kee te’opou omo chúpame betchibo, bwe’ituk bempo ketun ili ankelesimpo tammachiawa.

Jume chapayeka jume kutam nau tajtajta marchapo kateteko, junuu into ket senu wemta etejo, bwe siime ju chapayeka jianira kaa tuwata etejopo luula, ket jume kutam nau tajtajwapo ket jiba bénasi kaa tuwa teuwa, bweta waejmata luuteko ket baso jurastau ruktawaka ket ama aemak tattawa.