Chapayeka

Ji´ojpuari

Inii achai yumaisi chapayeka atteaka inim weeyekame juka jiak kostumbre lutu’uriata etejo; bempo kostumbre ya’urata betuk omo uju’u, jume kabayeom into jume chapayekam juka kostumbre ya’ura teamta waejmata yumako nawa tekipapanoa, bempo jume chapayekam ‘gokleompo’ luula ta’ewa; waejmata luuteo tajtia bempo kabayeom make juka utteata mabbeta kobanaom bepa; bempo jiobekamta, waemapo kaa leita yooreme, bino jeje’eme, kaa bem familia yo’oreme, into siime wame kaa waejta yo’oreme, siime inime kaa am jikkaja betchibo bettesi am kastikaroane waejmapo jume chapayekam siime gooj naiki puepplom bellekatana yeu sasaka, junuen beja kia wepulsi juka waejmata yo’oritebone; ju chapayeka jume judio Romanom, fariseom inime pajkompo a materia jojoa, bempo siime jume goi taka taewaim juka puepplota suuane; miekoles napos taewaipo naatene, Sabala Looriau tajtia, junak beja bem sewa sime a jianirawamak (bem kuta into bem ili kuta asola) baso jurastau ket tayaana, junum lulute.