Jiak baka rama

Ji´ojpuari

Ju jiak ramaá jakgo naateka jume jiakim nasuk uju’uwa ketun kee jume yoi paarem inim yajao; juupa takariampo ya’ari, into ket bepa ket juupa teteebem toona, baka mak beja saptana into ae bepa tekna jekkta yaa betchibo; jume ramaám jiakim nasuku kaa nanacha maachi bwe’ituk senuk luuteko naikim orkonine, kia pajkopo into busanim orkonine, novena pajkopo into batanim orkonine, jume lutu pajkompo into Santo Pajakompo junum into yumaisi gos mamni ama goim orkonim jipuune; jume ramaam juka juya aniata etejo; into chubala jiba uju’una, kaa baji taewaimpo kikne, into wepul weemta betchibo jiba; wame jiakim junume jaibu mekka wasutiaampo amuleommeu chea batnaataka inim nas restisukameu yee wawaatitua.