Banee betana pajkome sea wi’otiam

Ji´ojpuari

Siki sea wioktiam; ini siki sea wioktiam jume banee betana papajkome am uju’u, ama nabusti ket jume chapayekam kostumbre ya’urapo; siki tajopo ya’ari, siime mayoapo siki listoniam jippue, nasuk intoiko ket siki listomak senu kujta jippue jume banee betana pajkome; bweta jume chapayekam intoko sawaik mayoane into ket samai listoniamak kujta jipune sea wioktiam nasuku.

Jume chapayekam sea awioktiam tiempo wasuktiata yumako am uju’u, jume banee betana pajkome intoko juka Santota taewaim yo’oriwao; chikti kobanaom mujtituawao enerota busaniapo inime sea wioktiam te’opo bepa jabweka jejjekne gos naiki puepplom bellekatana; te’opo po waiwa into itom Ae Loloes tau jeela jipuuna, batatana jume teweim, mikkotana jume siki, te’opopo ansuwako jume sea wioktiam tobo tobok tawa into sasaka, ta’ata aman wecheo bicha pajkome junume taebo betana pajkopo ta’ena, taebo betana into jume taa’ata betana pajkome.