Rijjutiam

Ji´ojpuari

Maso Rijjju’utiam: jume rijju’utiam ju maaso yeye’eme into jume chapayekam am uju’u; jume rijju’utiam baka beappo ya’ari, baketa teapo; baketapo beja ili tosai gamusa teapo ili wiliskosi chuktimpo chukui maso sutum ama kikkimawaka ama usyolisi kom chaane; jita juni ama junaktene ama nawam kimaateko baketa beapo, cheasan triangulom o cheasan jita juni o kia witti am yaane. Kaa tua unna maso sutum ayuka betchibo ket jume rijju’utiam kowi sutumpo ket jojowa bwe’ituk batte maso sutum bebena, bweta inime sutum beja chukuisi yoka bobicha.

Rijju’utiam yaa betchibo senu siento veinte maso o kowi sutum ama kikkimawa amak chea goisiento maso o kowi sutum ama kimaana; ju rijju’utia jiawai, juka masota ama butti omo suuamta into a tuu jujjubwa’uta etejo.