Jiak pajko bem kolensiapo

Ji´ojpuari

Inim ket te jiak pajko kolensiapo omo uju’ume te bicha: chea batnataka ju maaso; baji pajkolam, senu pajkola tampaleo, senu aapaleo, senu labeenta poona, goi maso bwikkreom jirukiam gookeme; into senu ba’a bwejata jiutuame; ian lautipo te inian am bicha bwe’ituk junuen am ta’a’i’awa bweta siime su te juunea kaa junuen sechukti kolensiapo yiyiwapo; jewi, eme su ket juunea jume jirukiam ba’a bwejata mak nau lutu’uriak, junume jiao ju aapa into laaben kopala tatawa yumjojjoe; senu lutu’uria kechia jume pajkolam masota mak yeweo kaa majkaka a jooone bwe’ituk jume majkam moro yo’oweta mampo tatawa.

Jume ye’eme into jume jiponame maketapo itom bicha’u goi lutu’uria ta ama bo’o jooria ju maso yiwame into ju pajkola yi’iwame; inime goi weeme kaabe inim yoi paaren am kom junaktek, bwe’ituk jume jiakim jakko naatekai am bo’o jooria, kee yoim im yajao naatekai.